Leiddar gufustundir
við hafið

Upplifunin

Gufustund við hafið

Herjólfsgufan er við Herjólfsgötu í Hafnarfirði, með einstaka sýn yfir Hafnarfjörðarkaupstaðinn og fjörðinn. Leiddar lotur standa í um 15 mínútur, þar sem við leitum saman að jafnvægi á milli hita, kælingar og öndunar.

Upplifun ✨

Leidd gufustund er þrjár lotur í heitri gufunni, hver lota er um 15 mínútur og kæling á milli lota í fjörunni.

Það er engin búningsaðstaða sem slík svo það er gott að koma í sundfötum innan undir hlýrri fötum. Taktu með handklæði til að sitja á og annað til að þurrka þér eftir gufuna. Taktu með vatnsbrúsa en drykkjarvatn er á staðnum til áfyllingar. Það getur verið gott að hafa með slopp til að bregða sér í eftir gufuna og á milli lota. Ef þú vilt rölta niður í fjöru eða kæla þig í sjónum mælum við með að taka með sjósundskó.

Sérstakt úrræði 🌿

Sauna fyrir eldri aldurshópa

Við bjóðum upp á leidda gufustund í þægilegum hita fyrir eldri aldurshópa þátttakendum að kostnaðarlausu. Lára leiðir þessar stundir í hádeginu á fimmtudögum. Þátttakendur eru beðnir um að skrá sig með því að hringja eða senda skilaboð til Láru í síma 866-2670. Samverustund með ilmolíum, spjalli, tónlist og hressingu.